Í Rjúpnahæð er lögð mikil áhersla á að umhverfi barnanna sé aðgengilegt þannig að þau læri að bjarga sér sjálf. Þess vegna förum við fram á að foreldrar taki töskurnar heim með sér og við útvegum í staðin taupoka til að hafa undir aukaföt sem geymd eru í skólanum.

Það sem við geymum í taupokunum eru 1-2 nærföt til skiptanna (fleiri ef verið er að venja barn á klósett), sokkar eða sokkabuxur, bolur, peysa, buxur. Einnig óskum við fjölnota poka sem hægt er að þvo sem við notum undir óhrein/blaut föt sem fara heim. 

Í hólfi barnsins í fataklefanum ætti að vera þykk peysa, húfa, þykkir sokkar, tvennir vettlingar, regngalli, kuldagalli og skófatnaður eftir veðri.

Munið að merkja allan fatnað og töskuna nafni barnsins.