Bolludagur, Sprengidagur og Öskudagur
Bolludagur, sprengidagur og öskudagur eru haldnir hátíðlega á Rjúpnahæð ár hvert.
Bolludagur er mánudagur í föstuinngangi, 7 vikum fyrir páska, en föstuinngangur kallast síðustu þrír dagarnir fyrir lönguföstu, sem hefst á miðvikudegi með öskudegi.
Á bolludeginum í Rjúpnahæ er haldið í þá hefð að börnin fá sér bollu bæði í hádeginu og kaffinu. Í hádeginu þetta árið voru hakkbollur og svo rjómabollur í kaffinu. Börnin eru alltaf allsæl með bollurnar og borða þær með bestu lyst.
Sprengidagur er þriðjudagur síðasti dagur fyrir lönguföstu, næstur á eftir bolludegi og á undan öskudegi í föstuinngangi. Á þessum degi tíðkast á flestum heimilum á Íslandi að elda réttinn Saltkjöt og baunir.
Á sprengideginum í Rjúpnahæð var saltkjöt og baunir eins og tíðkast á mörgum heimilum á þessum degi. Þá er reynt að borða alveg þangað til maginn springur. Það tókst engum þetta árið að láta magann sinn springa.
Öskudagur er í vestrænni kristni fyrsti dagur lönguföstu. Öskudagur er á miðvikudegi 40 dögum á undan páskum að sunnudögum frátöldum.
Öskudagurinn er einn stærsti dagurinn í Rjúpnahæð ár hvert, þá rann loksins stundinn upp að börnin fengu að klæðast búningunum sem þau hafa hannað og búið til undanfarnar vikur. Það sáust allskonar fígúrur, ofurhetjur, prinsessur og dýr á deildum og göngum leikskólans í dag.
Það var slegið köttinn úr tunnunni og úr tunnunni komu fullt af snakkpokum. Eftir snakkátið var svo dansað þar sem Hrönn leikskólastjóri var í fremstu röð. Svo eftir dansinn var slegið í pylsupartý þar sem börnin borðuðu sína pylsu þar sem þau vildi.
Hér að neðan eru svo nokkrar myndir af deginum sem heppnaðist mjög vel.
Smellið á myndir til að sjá þær í stærri upplausn